Mundua gero eta azkarrago digitalerantz biratzen ari dela dirudien garai honetan, Arabak urrats bat aurrera hartu du bere landa-merkataritza babesteko eta biziberritzeko, PICRA proiektu berritzailearen bidez. Proiektu honen helburua, hurbileko merkataritza indartzea eta landa-eremuetako bizi-kalitatea hobetzea da, tokiko merkatari iraunkorra eta oparoa eskainiz.
Europako Next Generation funtsekin finantzatuta, PICRA proiektuak Arabako 5.000 biztanletik beherako udalerrien beharretarako berariaz diseinatutako zenbait tresna sartzen ditu. Tresna horien artean digitalizazioari buruzko prestakuntza-programak daude (kudeaketa, sustapena, merkaturatzea…).
180 landa-saltokik baino gehiagok osatzen dute proiektu hau, Arabako landa-merkataritza turisten, txangozaleen edo bigarren egoitzak dituzten pertsonen artean sustatzeko, sustapen eta ikusgarritasun digitalaren bidez.
“ADN alavés” marka bereizgarria sortzea azpimarratzekoa da. Arabako hurbileko merkataritzaren nortasuna eta berezitasuna sinbolizatzen duena. Marka hori planaren ekintza guztietan txertatzen da, marketin digitaleko kanpainak eta azoka ibiltari bat barne. Azoka ibiltari horrek Gasteiz, Murgia, Langraiz Oka, Artziniega, Araia, Santikurutze Kanpezu eta Guardia udalerriak zeharkatuko ditu, tokiko saltokiak sustatuz eta tokikoa kontsumitzearen onurei buruz sentsibilizatuz.
Gainera, Artziniegan, Araian, Santikurutze Kanpezun, Murgian, Langraiz Okan eta Guardian bilketa-guneak jarriko dira, kontsumitzaileek landa-merkataritzako produktuak ordutegi malguagoarekin eskuratzeko aukera izan dezaten. Irtenbide horrek merkaturatzeko bideak zabaltzen ditu eta sektorea kontsumo-ohitura berrietara egokitzen du.
PICRA proiektuak landa-merkataritzaren lehiakortasuna eta irabazi-marjinak hobetzeaz gain, iraunkortasuna sustatzea eta azken kontsumitzaileari produktu freskoak eta kalitatezkoak hurbiltzea du helburu.
Zortzi ekintza zehatzekin, proiektu hau XXI. mendeko landa-merkataritzaren esanahia eraldatzeko eta birdefinitzeko helburuarekin sortu da.
